Um Meltic    |    Setið tygum í samband við okkum    |    Fígging    |    Samhandilstreytir    |    Aftursendingartreytir
Vørumerki: 0
Millumúrslit: 0 DKK
Keypskurv
Søluátøk Servarar Farteldur / Teldur Sjónvørp / Ljóð Tólbúnaður Ritbúnaður Tele / GPS-arar Ítriv / Frítíð
Upplatingartíðir
8.00 - 17.00

Handilstreytir

Galdandi sum heild

Uttan so, at annað er skrivliga avtalað partanna millum, verða treytirnar niðanfyri nýttar.

Fyrivarni verður tikið fyri misprenti, prís- og kursbroytingum eins og broytingum í vørunavnalýsingunum, t.e. specifikatiónunum.

 

Tilboð, lýsingar o.a.

Allar upplýsingar viðvíkjandi dátum (data), tilboðum og lýsingabløðum eru leiðbeinandi og bert bindandi fyri seljara, um so er, at skrivlig avtala er til skjals. Seljari er bert bundin av tilboði í 14 dagar.

 

Prísir

Tilskilaðu prísir eru dagsprísir og kunnu lagast til, um so er, at broytingar taka seg upp í útreiðslum, somuleiðis í avgreiðsluni úr útlandinum í gjaldoyraviðurskiftum og øðrum. Allir prísir eru frároknaðir statsútreiðslur, innpakking, avgreiðslukostnaðargjald, ab seljarans stað.

 

Gjald

Eitt og hvørt gjald er netto kontant uttan so, at onnur avtala greidliga er gjørd.

Verður ikki goldið rættstundis, verður renta samsvarandi tjóðbankarentuni pluss 5% av tí parti av keypsprísinum, ið ikki er goldin, løgd aftrat.

 

Keypari hevur ikki rætt til at afturhalda gjald ella gera mótrokningar.

Fyri leypandi útreiðslum, eitt nú kundatænastu- ella hosting-avtalum, hevur seljari – tá ið gjald ikki er farið fram 10 bankadagar eftir falldag og eftir frammanundan at hava sett fram skrivligt krav um hetta – heimild til at steðga leypandi veitingum uttan fyriboðan. Møguligar avleiðingar av hesum, beinleiðis ella óbeinleiðis tap, her uppií rakstrartap og mist arbeiðsinntøka, koma ikki seljara við.

 

Avgreiðsla

Seljari fer, um so er, at hann er vitandi um, at munandi seinkingar fara at taka seg upp, eftir besta førimuni at kunna keypara um hetta, men seljari kann ikki dragast til ábyrgd fyri seinkingina. Tað kann koma fyri, at ávísir lutir frá útvegara eru seinkaðir, og tí er avgreiðslutíðin hjá seljara bert leiðbeinandi.

 

Vørusending

Verða ikki nærri boð givin frammanundan, velur seljari ta flutningsleið, ið hann metir at vera ta bestu.

 

Ógilding

At ógilda eina bílegging av serliga útmáldari og útvaldari vøru verður ikki góðkent.

 

At ógilda bíleggingar verður bert góðkent í serligum førum eftir avtalu og tá bert móti at skuldskriva eitt ískoytisgjald upp á uppsøgnina.

Til tveir mánaðir undan avgreiðslu er ískoytisgjaldið 10% av keypsprísinum, til 14 dagar undan avgreiðslu 25% og til avgreiðsluna 50%. At siga upp bílegging, ið vøruútvegari hjá seljara hevur um hendi, er harafturat treytað av, at hesin gongur við til tað.

Ritbúnaður, t.e. software, verður ikki tikin aftur.

 

At seta upp og taka í nýtslu

Vil keypari hava vegleiðing í at handfara útgerð og ritbúnað, kann avtala gerast um hjálp frá ráðgeva, ið verður goldin móti rokning.

 

Klagur

Keypari skal, fyrsta ið hann fær vøruna, og innan hon verður tikin í nýtslu ella arbeidd til, kanna tað, sum hann hevur fingið, til tess at tryggja sær, at alt er, sum tað eigur at vera.

Klagur um brek, ið áttu at verið staðfest í slíkari kanning, skulu boðast frá sum skjótast og í seinasta lagi 8 dagar eftir, at vøran er fingin. Verður klagan ikki sett fram innan fyri nevndu tíðarfreist, missir keyparin rættin til at seta fram krav um mishald.

 

Klagurættur

Fyri beinleiðis ella óbeinleiðis tap, her undir rakstrartap og mistan vinning í arbeiðinum – ið rakar keyparan orsakað av tilfars- ella framleiðslubreki, tólbúnaði, t.e. hardware, ritbúnaði, t.e. software, somuleiðis dátuskaða ella miss av slíkum  í forritum – átekur seljari sær onga afturgjaldsskyldu. Her undir krøv, sum standast av virus-/teldusníkaálopum, sama, hvussu umfatandi ella hvat slag hesi eru, sama, hvussu álopið er framt, ella sum ásetingar í avtaluni áttu at havt forðað fyri. Virus/teldusníkaálop verða greinað sum illviljaður ritbúnaður ella onnur forrit, dátu ella kotur (uppi í hesum, men ikki avmarkað til „ormar“, „logic bombs“ (t.e. kotur, ið verða sendar til at gera skaða á teldur og netverk) ella „troisk ross“ (trojanskir hestar)), ið kunnu spjaða seg sjálv ella verða skapað gjøgnum dátumiðlar ella netverk, hvat slag tað so enn er, eisini alnetið, og sum kann hava í sær oyðandi ella skaðaelvandi ávirkanir.

 

Seljari veitir við vøru, ið hann selur, sama klagurætt sum vøruútvegarin, t.e. leverandørurin, og seljari veitir ikki út yvir hetta nakran klagurætt uttan so, at skrivlig avtala er gjørd um víðkaðan klagurætt.

 

Ognarrættur

Tað, ið selt er (her uppií tilhoyr), er selt við ognarfyrivarni og er ogn seljarans, til keypari hevur goldið allan keypsprísin umframt rentur og meirkostnað eins og møguligar útreiðslur av tí selda, ið seljari hevur goldið vegna keypara.

 

Avgreiðslutíð og force majure, tað eru umstøður, ið ikki ber til at hava tamarhald á, t.e. kríggj, náttúruvanlukkur o.tíl.

Ein og hvør bílegging verður avgreidd við force majure-fyrivarni, her uppií kríggj, borgaraligur ófriður, náttúruvanlukkur, verkføll og verkbann, ólag í rávøruveiting, eldur, skaði á framleiðslutól hjá seljara ella hjá tí, ið hann fær vørur frá, at okkurt svíkur í flutnings­møguleikunum, innflutnings- ella útflutningsbann ella onnur viðurskifti, ið forða ella avmarka seljarans ella vøruveitara hansara, møguleikarnar at avgreiða vøruna. Seljari hevur í slíkum førum valið millum at siga upp keypið ella partar av tí, ella at lata avtalaðu vøru, beinan vegin, ið forðingin fyri vanligari vøruavgreiðslu er av. Seljari hevur í slíkum førum onga ábyrgd av nøkrum tapi hjá keypara, sum stendst av, at hann ikki fær avgreitt vøruna.

Varnarting, t.e. lógøki, har rættarviðgerð fer fram, og lógval

Danskur ella føroyskur rættur tekur avgerð, stingur onkur ósemja seg upp, og eitt og hvørt rættarmál fer eftir seljarans vali at verða lagt fyri Rættin. Avtala kann gerast um gerðarrætt.

 

Kreditt- ella gjaldkort

Gjaldoyra, t.e. valuta. Tá ið goldið verður við Dankorti, Visa Dankorti, Mastercard ella Visa, fer tað fram í donskum peningi.

Kostnaðargjald (gebyr). Fyri hvørt gjald, ið fer fram við gjaldkorti, verður lagt eitt kort- og umsitingargjald omaná. Kort- og umsitingargjaldið verður roknað á ymiskan hátt, alt eftir kortslagi og bíleggingarstødd. Dankort- og Visa Dankort-prísurin hevur fasta upphædd, sum er 1,45 kr. fyri hvørt vørukeyp pluss 1,10% av keypsprísinum. Visakort og Mastercard 2,0% av keypsprísinum.

Login
  
 
 Minnist meg
Gloymt loyniorðið?
Nýggjur brúkari?
Logga inn
Leiðbeinari

HP JetIntelligence 3 års garanti
Til forsíðu    |    Nýggj vørumerki    |    Søluátøk    |    Tíðindabrøv    |    Fá samband við okkum
Vørubólkar
Framleiðarar